من طفل جرحة العراق....... شعر في قمة الروعة لا يفوتكم

السلام عليكم
شباب بنات اليوم جبتلكم شعر وان شاء الله يعجبكم

من طفل جرحه العراق . . . الى من تحت أقدامها جنة الله

* على الإطلاق . . . مثلج ؛ ما لكيت إنسان
بي عطف النبوة وسحنة القرآن

* على الإطلاق . . . ولو ربي يودي عليج
من كوكبنه ؛ والله يخلص الإنسان

* يا نغمة دللولج تنوم الليل
ومن سافرتي يمه ؛ الوطن ظل سهران

* منو بيكم وطن ؛ وبهاي هل محتار
ومن قست الحزن متساوية الأحزان

* إذن إنتي الوطن ؛ والبيه آنه هنا
مجموعة مدن مخلوقة من حرمان

* بصراويّة إنتي لحد نخاع الشط
وشطج يختلف ؛ بي صفنه من ريحان

* هسه الكورنيش . . . بلايه شطج . . .لا
مو كورنيش . . . جن أوهام . . . جن دخان

* ألف هنياله بيج الأردن الـ . . . ( ما كول ! )
وأبشركم رويتوا يا أهل عمان

* يا برزخ ضياء . . . ونور يشبك نور
ياملح الخشوع بخبزة الإيمان

* يا ( يرحمكم الله ) للعطس . . . مخنوك
شم دمع العراق المستمر للآن

* يابوسة عوافي وضحكة بيها الماي
يصفن من عذوبتها ويظل غيران

* تشميني بركبتي . . . ويدك كلبي افييش
جن الركبة ويه شفايفج عرسان

* مو زعلان . . . لا والله . . . مو زعلان
بس الفراك هو لفركتج زعلان

* ( ياءات الوصف ) خلصت ؛ وأظن معذور
بقت بس ( يائج ) البالـ( كان (( يا )) ما كان )

* ميزان الحساب بطبعه خشمه لفوك
وإلج يوم القيامة يدنك الميزان

واتمنة الردود والمشاركات

يابوسة عوافي وضحكة بيها الماي
يصفن من عذوبتها ويظل غيران

روعة بارك الله بيك صراحة مبدع
لاتحرمنة اخوي من ابداعك
تقبل مروري

مشكور حبيبي على هاي الابداعات
والله لايحرمنه من جديدك
وتقبل مروري
أخوك ابو رماح
شيخ الحاسبات

تووووووووووووب كلش تدرون بيه ماطول شعر عن الوطن اكيد احبه وافتخر بيه تحياتي على هذه الكلمات الروعه....

مشكوررررررررررررين شباب والله لايحرمنة من مروركم الجميل وكلماتكم الروعة

تحياتي

مشكوررررررر اخوية شعر حلوووووووو

ننتضر المزيد من الشعر عن الوطن لان ماكو اغلة من الوطن

مشكور حبي فعلا شعر روعه تقبل تحياتي
اخوك
الاسطورة

مشكوررررررين وتحياتي

مشكورين على مروركم الجميل

كلمات ولا اروع مشكور حبي

هلة والله حبيبي والله انتة اروع

تحياتي لك يارومانسي