محبوبي ودن البشر كلهه اتحسب رايله
ومجبورة كل الخلك تركض ورى رايله
افصح لسان العرب بأحله الشعر رايله
وعداها هاي النفس انقه نفس واصفهة
واعدلهن اثنين ادي لونه عبر واصفهة
يامن تلوم اصطبر هاك استمع وصفها
مديور مثل الكمر واجمل وجه وجه
بنضراتة دك الكلب كل نارة بي وجه
كل النظر ركزة وبلا ملل وجه
وياي لونك ردت تنضر على عينهه
وياربي عين التي تباوع لها عينهه
بنفس المصيبه طحت ياربعي اهي عينهه
لمن لكيت النضر تايه لمح حاجبه
خنجر يلالي وبرك اكبر ظلم حاجبه
ما لاحه سهم الدهر ما خله ابد حاجه به
اوزادة فوكه بعد ياناس اجمل شعر
البصين لمن عبر بحسنه حته شعر
شتكول عنه غزل شتكول عنه شعر
كله يتطاير شضه لو لاحضت شفته
وكلش رقيقه بعد للماي اهي شفته
داوت عليل النضر من شافها شفته
ولمن تعافه ركض لمه طلب يدهة
احتاريت وين الهزل وين التكه يدهة
هنيال ابوهة وبعد هنياله هم جدهة
تركو شمس ثانيه اتشع وسط كصته
شما لاحه شيب انحسب كصة صبى كصته
نشدوني من وين اجه وياهو العرف كصته
منحيث حته الورد بأجمل وصف غازلة
وبربوع حسنه الخلك كل ثانيه غازي اله ..غازلة
سبحان رب الخلق باروع صور غازلة
وخلاله فوك الزلف تتلاله اجمل اذن
وجدامه حته الهوة من عنده ياخذ اذن
يا سامعين الوصف اصبح ضروري اذن
انصبله بأسمه الترف فوك الكلب رايله
الثلاثاء يوليو 17, 2007 10:22 am
